NFSA scheme kübok Dimapur nung jang angutsü

Dimapur, July 29 (TYO) : June 2016 nung chief minister TR Zeliang-i Nagaland nung National Food Security Act scheme tenzüktsüba sülen, Food & Civil Supplies (F&CS) department-i July 31, 2016 nungi tenzüka Dimapur district kübok yimtsüng jenjang nung aliba tesemtem nung jenjang dalang yong jang ayoktsü.
National Food Security Act scheme ya tang Dimapur aser Kohima nungdang mapa küma inyaker. Dimapur nung Priority House Hold (PHH) kübok card holder kibong shia nung züngsem shia jang seret 5 agütsütsü aser seret ka nung sen 3 yong agütsütsü, ta Superintendent, F&CS, N Jamonger Ao-i metetdaktsü.
Dimapur nung PHH kübok tangutsüpur nisung 60,000 den tema lir aser tang nungi jang dak alaka tanga food grains supply mangutsü, ta N Jamonger-isa ashi.
August 3, 2016 nungi urban areas nung PHH kübok ration cards alemtsü aser iba dak sendakba osang department-i office notice board nung metetdaktsütsü, ta paisa shisem.
Taoba scheme ama masü saka tangbo beneficiary kati Fair Price shop mashi ka nungi jang agizüktsü akok. Iba dak sendakba nung department-i inyakyim tajungba kümdaktsütsü atema mapa inyakdar aser Fair Price shop ajak hopta nung asemben- Brihostibar, Hokolbar aser Honibar nung lapoktsü tetuyuba agütsüogo.
Hopta nung asemben melapokba FPS indang licence agientsü, ta department-isa metetdaktsüogo.
Antodaya Anna Yojana (AAY) kübok rural aser urban areas nung AAY card shia jang seret 35 agütsütsü aser seret ka nung sen 3 yong ayoktsü, ta parnokisa ashi.