NGBF-i 2023 NLA elections matongdang Naga yimten latettsü mepir

Kohima, April 22, 2022 (TYO): Nagaland Gaon Burah Federation (NGBF)-i India sorkar dang sangküm State general elections matongdangsa Naga yimten latettsü temepishiba agütsüogo.

April 20 aser 21 anogotem Phek nung NGBF indang 30 buba general session alidang onük ana bangjemtep aser iba nung India sorkar dang State Assembly election 2023 matongdang Naga yimten latettsü mepishitsüba dena lir.

Tensai dang bentsür arura NGBF-i ozüngi melaba ama lungkak aittsü ta parnokisa bangjemtep.

NGBF constitution nung articles aser clauses kar jangjashitsü atema yanglushitsü lemtet aser iba atema züngsem 5 agi akümba luden ka tentet. Parnoki Commissioner Nagaland den amalitepa mapa inyaktsü.

NGBF indang 30 buba general session nungsa president L. Shahlem Konyak-i anir tanga teinyakdakpur ketdangpurtem den ano züngsem tasen kar shimoktsü telemtetba agi.