NGBF-i Naga nunger telongjem asoshi inyaktsü lemtet

 Mkg. Nov.20(TYO) :Nagaland GBs Federation (NGBF) -i Naga nunger telongjem  asoshi inyaktsü telemtetba agiogo.

Iba telemtetba ya Mokokchung nung tan November  18 nungi 19 tashi parnok lokti senden aliba mapang lemtet. Taoba mapangtem nunga Nagaland nung telongpurtem tsükchitepba ajanga tensa mejungi alidang, NGBF lenirtemi Naga nunger tsüngda meraratepi yimjung nung lidaktsütsü asoshi yimjung mapa meranga inyakogo.

Iba denji ano Nagaland renloktsü asoshi kongsa gari lenmang yangludir, ali kiburtemi aliji angati agüjang ta NGBF-isa nübortem dang mepishia metetdaktsü.

Iba kasa senden nung 2015 nungi kümsük küm tasen nung NGBF lenitsü asoshi ketdangpur tasen shimogo. Item ketdangpurtemji tir Wb. L.Shalem Konyak den tadongtirtem Wb. Alemtoshi Longkumer, Housa Chang, Khakehe, W.Mero, Hangchi aser Shikuto Zalipee  nungertem alitsü. Ano, tezülurtem rongnung Setzachu, Puto Puchury. Mennyie, Chaba aser Tsopre nungertem shim. Ano, Information & Public Relation Secretary asütsü atema Akho Naga aser senotsü ketdangsütsü atema Veniesa Pengrei shimtet.