NGO kati Delhi nung Assam nunger tanur 8 kümzük

New Delhi, December 21 (Agencies) : Deobarnü Delhi nung NGO kati Assam nunger tanur 8 kümzükba sülen parnok tanaben pei kibongtem den ajuruteptsü.
Sapno Se Apno Tak – NGO My Home India ta ajaba teloki linük nung North-East nisungtem yariyonga arur aser parnoki arishi küm 12 – 16 tetsüngda aliba tanur ti tashi tesem balala nungi kümzük. Tanurtem rongnung par pezü aayangertem indang mapa inyaka liasü aser tanüngba pezüji kidang nungi samaba liasü.
Sapno Se Apno Tak-i Children Homes nung mapa inyaker. Item Home nung tanur mapa inyakdakja lia kümzükba mesüra kidang nungi jena aoba tanurtem anidena lidaktsür.
Osang tejangja mengutetba ajanga tanur karbo children home nung mapang talanglang alitsüsa akümer aser Assam nunger tanur karbo küm ana shi children homes nung liasü.
Ajisüaka, NGO-i tanurtem den parnok kibong indang osang tejangja metettsü atema sensaksem aser iba sülen bushitepa arur kibongtem metet.
My Home India team NGO-i Deobarnü Assam nunger tanurtemji Delhi- Dibrugarh Rajdhani Express ajanga Guwahati-i yok aser parnok meintsü atema nisung 6 mapa lemzüktsü. Child Welfare Committee-ia My Home India telok den yariteptsü atema ketdangser ka yok.