NH-2 nung traffic temetettsü

Dimapur, Luchii (December) 3 (TYO): Hornbill Benjungmung nung shilem ka ama Northern Angami Youth Organisation (NAYO)-i December 5, 2018 anepdang 11:00 ako nungi Stone Pulling Ceremony ka ayongzüka lir.
Iba sentong ya Chiechama nungi Chiephobozou tashi NH-2 nung agitsü anungji December 5, 2018 nü iba lenmang ajanga senzürtemi timtem majurutsü atema sentong agiba mapang mesenzütsü mepishir, ta PRO, Kohima Police-i metetdaktsü.