NH-29 nung senzürtem atema temetettsü

Dimapur, Chiteni (July) 27 (TYO): Kiruphema nung NH-29 anentsüh aliba ajanga gari mesenzüteter anungji tanga tetuyuba ka magütsü tashi Kohima o Dimapur tsüngda gari tulutem mesenzüi atatsü metetdaktsür, ta Addl. Dy Commissioner of Police/PRO, Dimapur-i sangdong ka nung ashi.
Dimapur len nungi Kohima-i atuba gari ajak Peducha-Tsiesema road ajanga senzüdaktsütsü aser Kohima nungi Dimapur-i aluba gari ajak Sechu (Zubza)-Kiruphema road ajanga senzütsü metetdaktsür, ta Dimapur Police sangdong nungsa shia lir.