NH-29 Phesama anentsüh nung timtemer kaketshir nem allowance agütsütsü : SASU

Dimapur, September 22 (TYO) : NH-29 Phesama anentsüh nung timtem ajurur kaketshirtemi taruba Hombar nungi accommodation allowance agizüktsü metetdaktsür ta Southern Angami Students’ Union (SASU) sangdong ka nung ashi.
St. Joseph College, Jakhama,Japfü Christian College, Kigwema, St. Paul School, Phesama, Loyola School, Jakhama aser Government High School Kigwema nungi kaketshir 1075 yaritsü atema Home Minister, Y Patton-i sen 5,50,000 agütsüogo, ta SASU sangdong nungsa metetdaktsü.
Pei pei azüngba school aser college tem nung allowance ji lema agütsütsü ta SASU tir Teisovi Thorie-i sangdong nung shia lir aser paisa Home Minister Y Patton dang pelaba metetdaktsü.