NHAK indang OPD tesem melenshir

Dimapur, Aami/June 08 (TYO): Managing Director, Naga Hospital Authority, Kohima, Dr. Thorhusie Katiry-i sangdong ka ajanga ashiba agi, Naga Hospital Authority (NHAK) ya COVID-19 Hospital ka ama kümdaktsüba ajanga Out Patient Departments, NHAK ajak June 10, 2020 nü nungi tenzüka Para Medical Training Institute (Opposite Ao Moluki), Paramedical Colony, Kohima nung alitsü, koba Sorkar indang sodi anogo dak alaka anogoshi anepdang 10:00 ako nungi nikongdang 1:00 ako tashi alitsü.
Nüburtem (Non COVID cases) kümzüka alitsü aser nüburtemi aginüba ama Public Health Service Delivery maneni agütsütsü mechi iba mera ya agir, ta sangdong ajanga ashi.