NHAK Kohima & Pfütsero nung angati medical camp alir

Dimapur, March 21 (TYO) : Nagaland Angh, P.B. Acharya-i acha-ayanga yaküm angati medical camp takok ngua agiba sülen Mumbai nungi kasa Doctor telok ka tanü Kohima tonga aruogo.

Director Prof. (Dr) K.C. Mohanty lenisüba nung aruba doctor temi March 21 nungi 24, 2016 tashi health camp ka ayongzüka agitsü.

Iba sentong ya Environmental Medical Association Mumbai aser Indian National Fellowship Centre nati külemi ayongzüka agir.

Parnoki teyari nüngdakba shirangertem asoshi surgery aser mozü angati agütsütsü ta Dr. Mohanty-i ashi.

Asüng (Mongulbarnü) parnoki Nagaland Hospital nung local doctors, nurses aser tejangrartem den open house discussion alitsü, ta paisa shisem.

Mumbai nungi aruba Medical Specialist tem tenüng agütsür: Prof (Dr.) K.C. Mohanty-Chest Specialist; Dr. Varsha Phadke- Paediatrician; Dr. Satish Vaidya- Cardiologist; Dr. Agam Vora- Chest Physician; Dr. I.S. Gilada- Dermotologist; Dr. M. Sundrani- Chest Physician; Dr. Satil Bendre- General Physician aser Prof (Dr.) Geeta M. Niyoni- Gynaecologist.

Kasa teloki, tanü Pfütsero nung angati medical camp ka ayongzüka agiogo.

Iba health camp nung Prof. Dr Salil Bendre Chest Physician & Bronchoscopist head of department of Chest medicines aser Prof. Dr. R.M. Sundrani MD (BOM), Department of Pulmonology, G.T Hospital Mumbai nati shirangertem anepalu.

Tanü Pfütsero Community Health Centre nungi Medical officers-i parnok den yaritep aser temeket aliba yimtsüngtem nungi nisung noklang aika anepalua mozü angati agütsüogo.