NHAK nungi shirangertem anientsü

Dimapur, March 28 (TYO): Naga Hospital Authority Kohima (NHAK) ya COVID-19 Hospital ka ama renemtsü atema Health & Family Welfare Department Principal Secretary, Menukhol John-i tetuyuba kar agütsüogo.

Iba ya Epidemic Disease Act 1897 kübok Nagaland Epidemic Disease (COVID-19) Regulation 2020 nung tashi agüja aliba nung ajemdaker agütsü.

1. March 27, 2020 nungi tang tetuyuba ka magütsü tashi NHAK nung shiranger tasen shinga manioktsü.
2. NHAK nung tang temongdak shirangertem, tsünglanglen agüja mozü kitemi anientsü.
3. a) Putuonuo Nursing Home 90370-2221857)
4. b) Oking Hospital 90370-2290080)
5. c) Bethel Medical Centre 90370-2224202)
6. d) KP Bethesda Hospital (9485238298)
7. NHAK nung emergency healthcare atema shirangertem temalen agüja aliba mozü kitem dangi yoktsü. Tanga tetuyuba ka magütsü tashi emergency dang anepalutsü.
8. Tang NHAK nung temongdak shirangertem tanga mozü kidangi anienba sülen mesüra shiranger tasentem indang medical expenditure ji parnok amongba mozü kitem den inyakteptsü.
9. NHAK nungi temalen agüja aliba mozü kitemi yokba shirangertemi Managing Director, NHAK ket nungi authorization order ka abentsü.
10. Shiranger anepaluba mozü kitemji AB-PMJAY kübok empanel mesüi lira empanel asütsü. Lateta aliba ama AB-PMJAY beneficiary nem angati tajangzüktem agütsütsü.

            Osangtsüsang metetpelatsü asoshi:

1. a) State Control Room : 9099607609 / 7085444710 / 03702270459
2. b) District Control Room : 8575563906 / 6909937493