NHIDCL-i NE nung sen Cr. 45,164 alang project inyaktsü sentong lir

Guwahati, August 2 (Agencies) : India North East tesemtem nung gari lenmang tajungtiba (top-class) küma yanglutsü atema NHIDCL nem sen crore 45,164 alangba project, gari lenmang kilometre 4,000 yanglutsü lemzüktsüogo. Iba ya sorkar kübok ‘Act East Policy’ inyakyim kübok nükla tajung nung tenzükba lir.
Iba inyakyim ya gari lenmang sentaktepba kümdaktsütsü atema dang masü saka India tesem balala aser South East Asia den North East state tem amshia aliba gari lenmang tem ajanga shishilembaba tsütsü tali reloktsü nükjidong nung inyakerba lir.
NHIDCL nem 2014 küm tetenzüklen lemzüktsüba project rongnung Manipur nung 11, Meghalaya nung 9, Mizoram nung 3, Nagaland nung 4, Arunachal Pradesh nung 23, aser Tripura nung 7 liasü.
Parnoki inyaka aruba project aika nung Japan nung infrastructure inyakyim nung kanga dang mongin-JICA teka dena inyakogo. Imphal-Moreh project ya India aser Myanmar na sentakteptsü tongtibang lenmang asüba ajanga nüngdakba sen ajak Asian Development Bank (ADB)-i agütsü.
Tang tashi nung NHIDCL-i lemzüktsüba project ajak kanga takok ngua inyakba ajanga India sorkari iba Public Sector Unit ya Nepal arrtsülen aliba Terai tesemlena gari lenmang kilometre 600 shi yanglutsü aliba nung shisa tuyur asütsü shimogo.