NHRA-i Dimapur Police nem tenüngsang agütsür

Dimapur, June 17 (TYO) : Apna Hotel kibur aser taoba NHRA Secretary, Ritika Mehta tepsetba ken o atema bushisüngdanga arur nisung pezü dak tai tonglokja apuba atema Dimapur Police SIT (Special Investigation Team) nem tenüngsang agütsür, ta NHRA (Nagaland Hotel & Restaurant Association) sangdong ka nung metetdaktsü.
Asür Ritika Mehta ji tetsür ka, tetsü ka, akhümket shishilembar ka aser lennir ka liasü aser la taküm agibaji NHRA-i kukua aitsür. Anungji, ozüng amertemi aibelenertem ozüng tapet agi merenshitsü aser takoksa angur nem temeten agütsütsü atema mepishia metetdaktsür, ta NHRA sangdong nungsa shia lir.