NHRC-i Akhil Gogoi atema ken o ka benok

Guwahati, March 6 (Agencies): Yaküm December ita nungi Krishak Mukti Sangram Samiti tanishir Akhil Gogoi tepuokdak yua lir aser pa temang tamajungba akümba atema tebilemtsü bena National Human Rights Commission (NHRC)-i ken o ka benokogo.
Madurai nung amenoka aliba People’s Watch nungi human rights activist Henri Tiphagne aser Manipur nungi Human Rights Alert human rights activist Babloo Loitongbam nati NHRC chairperson, Justice (retired) H. L. Dattu tsüngdang onük benokba sülen iba mapa inyak.
Akhil kinungtsü Gitashree Tamuly-i special NIA court ka nung la kinungbo temang shitak anepalu masür ta ken o benokba sülen anogo ka lir NHRC-ia iba dak sendakba ken o benokogo.
NIA court-i March 3, 2020 nü sorkar dang nungi osang ka meshi aser March 4, 2020 nü medical team ka tepuokdaki yoka liasü.
CAA anema lungkak aitdang ozüng alema mapa inyakba sülen Gogoi aser pa den yariteper kar December 12, 2019 nü apu.
Assam sorkari Akhil Gogoi-i Maoist den tesentaktep lir ta tai tonglokja iba ken o ya NIA ket nung agütsü.