NHRC telok kati Nagaland semdanger

Dimapur, April 23 (TYO): National Human Rights Commission (NHRC) nungi teshimtet telok ka April 23, 2017 nü Dimapur airport tonga aruogo.
Justice D.Murugesan Member NHRC-i anir züngsem 5 agi akümba telok nung J.S.Kochher Jt. Secretary NHRC, Ms. Chhaya Sharma, DIG, NHRC, D.Kammath, Dy.Registrar NHRC, aser S.K.Rawal, Private Secretary NHRC nungertem dena lir.
Tanü parnok Dimapur airport tonga arudang Dimapur Deputy Commissioner, Kesonyu Yhome den State Protocol officer Nagaland, Nusieta Rhakho, Additional Commissioner Police aser tongti sorkar ketdangsertemi parnok pela agizük.
April 24, 2017 nü Administrative Training Institute Kohima nung scheduled castes aser scheduled tribes-i ajuruba khuret aser ken o tem angadangba mapang alitsü aser iba sentong nung tongti tesemdangerji Justice D. Murugesan asütsü.
Tanü parnok Police guest house Chumukedima nung mapang tatsüka anenzükba sülen Kohima-i apusoa ogo. NHRC telok ya April 25, 2017 nü helicopter ajanga Arunachal Pradesh-i aotsü.