Ni ali tashi party nung telemsa madoktsü: Mulayam

Lucknow, September 16 (Agencies): Samajwadi Party (SP) tongti, Mulayam Singh Yadav adianu, Shivpal Yadav-i Cabinet nungi sodi meshiba sülen anogo ka lir tanü Mulayam-i, pa ali tashibo party nung telemsa madoktsü, ta ashi.
Lucknow nung party nung inyakertem den jembidang Yadav-i, par jabaso aser chief minister, Akhilesh Yadav-i pai ashiba mangai malitsü, ta ashiba den külemi anenja aliba Mining Minister, Gayatri Prajapati Cabinet nung tanaben anioktsü, ta metetdaktsü.
“Ni yangi ali tashibo party nung telemsa madoktsü,” ta Mulayam-i ashi.
“Onok ya kibong tulu, anungji mangatettep adoktsüa akok. Shivpal Yadav (tedi) aser Akhilesh (jabaso) na tsüngda tsükchitep mali,” ta paisa ashi.
Akhilesh-i Shivpal Yadav par kidang ajurutsü, ta paisa shisem.
SP tongtisa, “Iba ya election mapang, anungji ajaki longjemer inyaktsüla,” ta ayongzük.