Amethi, September 20, 2015: Deobar nü Amethi nung Union Human Rescource Development Minister, Smriti Irani-i party nung inyakertem den jembiba noksa nung angur.
Amethi, September 20 (Agencies): Deobar nü Human Rescource Development Union Minister, Smriti Irani-i, “Ni Amethi semdangba ajanga nisung kar mepelar, aji süaka ni anema ken o benokba ajanga ni tasü mieti makümtsü,” ta ashi.
2014 Lok Sabha election mapang Amethi nung Irani-i Rahul Gandhi matsüngdang tamakok ngua liasü.
Tang Congress-i la anema ken o ka agüja lir aser iba dak sentakba nung lai, “Congress mesüra Rahul Gandhi-i, iba linük nung tetsürtem ya tashi mait ta züngshia lira, parnoki ibaji amatoktsüla. Iba ya ajanga ni metsübutsü aser maneni Amethi atema ola adoktsü,” ta ashi.
“Rahul mesüra Congress tasü tait süra ni tepouktaki yokang. Ni ola madoki malitsü. Amethi den kü tesentakatep ya election indang masü,” ta BJP lenir Irani-i ashi.
You must be logged in to post a comment Login