Ni anguba Awards meyipa magütsütsü: Kamal Haasan

Delhi, Nov. 03 (Agencies): Tanü Delhi nung sentong ka nung jembidang India nunger nüngtugu actor, Kamal Haasan-i linük nung mepetmesü tensa anema paibo National Awards meyipa magütsütsü, ta shiogo.

“Ni kü indang National Awards meyipa magütsütsü aser sorkar mezüngmeshi masütsü,” ta National Awards pezü ngua alisang Kamal Haasan-i ashi.

Padmashri aser Padma Bhusan awards angusang Haasan-i, “Awards meyipa agütsüba ajanga kecha mataloktsü. Party ajak nung tangatetba tajung alir yimtenren nisungtem lir aser awards meyipa agütsübaji tajangzük kecha mali,” ta ashi.

Paisa, iba atemaji lenmang aika lir ta ashiba den külemi küm 5 shia linük tensa nung o toktepba sentong alitsüla, ta ashi.

“Iba mepetmesü ajanga linük lemsa (1947 küm). Iba ya ajanga ano linük melemsadaktsütsüla,” ta Kamal Haasan-i ashi.