Ni aniang, O kibuba. T. Ken 86

O Kibuba, ni Ne matsüngdang ochi alitsü aser Ne lenmang nung jajatsü, ni aniang.
Tanü ni anitsü asoshi asüngdanger, Kibuba. Ni kanga terata nung lir, teyarir mali, kü shisatsü monga melenshir aser ibaji ni Ne den sendaktepa maliba ajanga kü taküm nung tejangja telemtetba magitetter ta ni angatetter.
Tenük agi anguba mapa agi ni ratamatadaktsür. Nisungtemi kechi ashir, parnok jembishinü yimya agi ni nungshir, telemsa adokdaktsür, yimya balala sayur aser nükjitong ayimoktsüba agütsür. Kong noktaktsü ni memetet aser ni kü sasa ni rasaa ashitsü tamakoktsü aser jangjaa ngua metong metonga aotsü makoker. Ni talang nung aliba ngutettsü aser kü alizüng metettsü kü temeket mopung merüktetjang, Kibuba.
Kü mulung nung bilemba, tetsübu, tesendaktep, nüji agi anüngba, pei atema dang bilemba mepet agi kü dak terata tarokba kümdaktsür. Iba nung ni Ne tatenba kanga dang nüngdaker, Kibuba. Kü dak aliba tebenjatem koba agi ni shidak shimtettsüba nung noktanger item tebenja nungi ni anitettang. Kü nem shidak angatetdakjang, kü nem shisatsü agüjang, kü nem yimjung kua. Ni tejak ajia meinyaktsü, kü kümli azüokang aser kü tejangraba azüokang.
Kü taküm nung tongtipang shiyimba nung yariang aser anogo shia shidakba jenjang nung mera ka sülen mera ka aotsü yariang. Ni tuluba nung temulung lemtetta inyaktsü tila nungi angazükdakjang. Kü lenmang ajunga tindang aser koleni nai odaktsüner ilen jagi aotsü asoshi kü mera ajak aniang.
Ni aniang, O Kibuba, idangji ni Ne den ochi nung alitsü aser Ne lenmang nung anidaktsü. Amen.