Ni anisüngzüktsü nüngdaka kümogo: Daniel Craig

October 03, 2015: Taruba 007 (James Bond) agent ji shiba asütsü ta jembitepba mapang ka nung actor Daniel Craig-i, taruba James Bond film nung pai maneni shilem agitsü asü magitsü’ar mejangja, ta ashi.
Arishi küm 47 Craig-i tang agi pezübenbuba James Bond film nung agent shilem agiogo, aser tesüsabuba film ji SPECTRE liasü.
Iba film atema küm ana agiogo, anungji pa anisüngzüktsü nüngdak ta pai ashiba Entertainment Weekly ajanga metetdaktsü.
“Tang tangbo ni ochishia melangzütettsü. Tang tashi nungbo ni aroka meshisadang. Iba film ajanga kü akümli mapang küm ana agiogo. Ni anisüngzüktsü nüngdak,” ta pai ashi.
“Ni khen sadoka liner. Ni ozü kinüngertem nem mapang agütsüner. Nüburtemi kü dang nungi telangzüba ka aginer, ajisüaka ni telangzüba agütsütsü mali,” ta paisa ashi.
SPECTRE film ya UK, London nung October 26 nü tama sayatsü aser iba sülen US nung November 6 nü aser India nung November 20 nü sayatsü.