Ni ano film direct süner: Hema Malini

November 9, 2015: Actress, film yanglur aser yimten yimsüsür, Hema Malini-i, “Tetsürtem tanem tanemi film director akümba angudang kanga pela bilemer aser nia ano film direct süner,” ta ashi.

Hema Malini-i 1992 küm mezüng ‘Dil Aashna Hai’ film direct asü aser iba sülen lai 2011 küm lar jalai tongti shilem agiba ‘Tell Me O Kkhuda’ film yanglu.

Tanü asüng joko Zoya Akhtar, Gauri Shinde, Farah Khan aser Madhureeta Anand nungeria film yangluba tsütsü kanga takok ngua inyakdar.

Film direct asüba otsü jembiba mapang, lai, “Linük nung tetsür film yanglur aika adoka film tajung yangluba ngua ni kanga pelar. Mapang dang adokra nia ano film yangluner,” ta ashi.

Tang ya la Mathura asoshi MP lir aser lai iba mapa ajanga la mapa timba ka agir.

Central Board of Film Certification-i film shimtetba nung ozüng kanga sashia amshir asü ta asüngdangdang, lai, “Tang alima nung loktiliba ajunga melenshiba mapang ka lir. Tanü asüngbo alima nung azütokshiba kanga lir aser ibaji koma sür anendaktsütsü-ar tebilemtsü tulu lir. Anungji film kar nung iba amala mapa inyaktsü ajungmesotsü keta lira itemji board-i noktangtsübasa,” ta langzü.