Ni anojungi Tom Cruise den kibong akum: Nicole Kidman

October 03, 2016: Actress, Nicole Kidman-i, la Tom Cruise den kibong akumba mapang kanga tanur liasü ama bilemer, ta ashi.
1990 küm la Tom Cruise den kibong akumba mapang la arishi küm 23 dang liasü.
Red magazine den jembidang Kidman-i, lai tesüiba mapang bilemtetra la kibong maküm ama bilemer aser arishi küm 27 nungbo tanur ana aru ta mangteter, ta ashi.
“Ni kibong akumba mapang ni kanga tanur liasü. Ni tesüiba mapang bilemtetra süngmanger,” ta lai Red magazine dang ashi.
“Nai Taylor Swift reprangdangang, tetezü la arishi küm kwi? La arishi küm 26. Ni arishi küm 27 nungbo tanur ana arur liasü, aser kibong kümer küm pezü liasü. ajisüaka ni ibaji aginüa liasü,” ta laisa ashi.
Kidman aser Cruise na küm 10 dak tema kibong kümer liasü (1990-2001). Tena chir Isabella aser Connor na lir.
Tangbo la America nunger country kentener, Keith Urban den kibong küma lir aser tawa tena kibong kümer küm 10 abensaba benjung mongogo.
“Küm 10 nung künati aika ajangshiogo. Küna tangsa tashi taitba lir,” ta lai ashi.