January 26, 2016: Actress Sunny Leone-i, ni aienba mapang tangar dang nungi yimya balaka asüba ajanga ni arishi küm 18 majung tashi teburtemi kü dak kangabo mesakloki liasü, ta ashi.
“Ni kaket shisatsü kanga meranga bushi saka college matong tashibo ni lesson nung kanga ajungbo masü asü. Ajisüaka ni business kanga junga angatet aser shishilembaba mapa kanga jangra. Ni lanuwa tembar aika mali asütsü. Ni video yanglutsüa shia liasü aser photoshop nung noksa edit asüba mapa inyaka liasü. Arishi küm 18 mesüra 19 lanur kati iba amala mapa kangabo meinyak anungji nisung aikati ni mesaklok aser ibaji ajanga ni tembar aika maliasü,” ta Sunny Leone-i osangbener dang ashi.
La ya tang lai shilem agiba film “Mastizaade” sayatsü atar aser lai ajangshia arubatem Zoom TV sentong “Yaar Mera Superstar” nung lemsatep.
La Bollywood nung shilem agitsü metenzük dang Indo-Canadian porn star ka liasü.
You must be logged in to post a comment Login