Ni arishi küm 95 nung mangsa alitsü: Ariana Grande

Ariana GrandeLos Angeles, May 20, 2016 : Kentener Ariana Grande-i, teburtemi süoshi mesemi mangsa sayudangbo nüburtemi parnok temang ngua tenüng asanger ajisüaka tetsürtembo shi tera danga ngua sobura nüngsen jembitsür, ta ashidang lai, ni arishi küm 95 nungbo kou ishika ajeptena alener mangsa alitsü, ta shisem.

Tan tesüsa adokba Billboard magazine cover nung Grande noksa lir, ta aceshowbiz.com osang ajanga metetdaktsüogo.

“Dangerous woman” ken atenla, Grande-i, British radio station nungi Justin Bieber aser Zayn Malik nati temang sayuba atema tenüngsanga tweet asüba kar ni menungoka lir, ajisüaka Miley Cyrus aser Kim Kardashian nati shi tera sayuba atema luja shia lir, ta ashi.

Iba tsütsü tebur aser tetsür mebendangi amshitsüla, ta lai shisem.

You must be logged in to post a comment Login