Ni asen State Sorkar (Government) dang ya shinur

~ T. Temsu Jamir, Mokokchung Town.

Tanga linük nung alir mulongsentsü temerük, temeim mulungjang, aria bilemba shisatsü dener alirtemi tangatetba tajung nung tashidak (HIV/AIDS) agi kongshir alirtem anepalutsü, aser tashidak aketertem anepaluba wadang nung inyakertem nem taa (itasen) agütsütsü atema sorkar (Govt) rongsen masü. Pei aaba, pei ket nung aliba rongsen linuktem nem tenlar. Aser ibaji Global Fund AIDS TB Malaria (GFATM) atema World Health Organisation (WHO) nungi National AIDS Control Organisation (NACO) ajanga tenla tajung agi asen Naga lima tilaka ya densema par temeim rongsen tenla jagi atonger. Saka asen limabo iba rongsenjia dena sorkar senpong nung inoka yur, tatemzüklen lenmang tajungtiba bushia soita ayur. Tashidak agi menepa alir aser iba wadang nung inyakertem timtema senzüka yutsüba ya ngua kanga süngmanger aser temelong nung tasüngdangba jenti agi kongshir. Asen kin khrista lima Yisu dak amanger shilem tokurtoku (99%) alidak, mapa lemang tulo tila ajak nung mulongmasu, nepur tang timtemdakja akoksatsür. Ya kecki?? Koba yimsu tamangba nungi angazükba? Asen Naga lima nunga kisuba, libaliro yimya reprangdangra takataiter, alima lenir, tulur aliba mapa agi sayur. Süra kasa Tsüngremi yangluba ali meimchir tangar lima kin-ibo temeim mapa tajung inyakba agi asen linuk tashi atonger. Saka item mapa tajung ajak asen limabo mashileni ang meyipzüka, ajizuka inyaka aor ama yimsüsür, tulurtem mapa yagi sayur. Ano asen India linük nung danga tangar stateji reprangdangra Yisu dak mamanger nütsüng nübor teimba lir. Saka kodang linuk nung lendong timtem toushi tulu atalokdir lenir, tulurtemi pei itasen ni ita ka indang tenlar, ni aaba ita ka indang agütsür ta ashiba , agutsübatem angaüker.  Saka asen Naga kin nungi alima tashi (power) amer pangdak menden nung alirdemi yamaji inyakba osang, ni aibelener ka mesüra, mangashidang. Pei chir, mezung semchirjibo yutsür, tasembuba, pezübuba semchir  tashi agitsü, achitsü atema bushia rizüngtsü atema ang tangar linüki inyakba mapa tajung nungi angazüka inyaker südi. Yamaji masü asübo tashidak alir, timtemer aser iba wadang nung inyakerdem atema yokba, temeim tenla sen yabo soita meyui mapang shitak nung agütsütsüla ta kü tebilemba ola asen Naga nübortem den lemsateper.