Ni cancer tashidak keta lir: Banks

London, December 13 (Agencies): England-i 1966 World Cup akokba mapang goalkeeper alisang, Gordon Banks-i, pa tezüngjang nung cancer tashidak lir, ta Deobarnü metetdaktsü.
Osang ajanga ashiba agi, arishi küm 77 tain, Banks ya kidney memelentsü mechi nung tang chemotherapy tagidak lir.
“Linük nung iba tashidak ya aika dak lir aser nia item rongnungji ka lir,” ta Banks-i BBC dang ashi.
Banks-i 1970 küm Brazil nungi nüngtugu football asayar Pele-i metsüoktsüba ball ka kanga junga nokdangtetba ajanga nüngtugu aküm. Pa tezüngjang kabo küm 10 tejakdang kasa tashidak agi timtemba ajanga enotokogo.
Banks nem FIFA-i ‘goalkeeper of the year’ naroküm trokben tashi agütsüogo ajisüaka 1972 küm gari nung tsükoka tenük tachijilen entokba ajanga football asayaba nungi anisüngzüktsüsa aküm.