Ni Demonetisation pusemba atema tatok meshir: Kamal Haasan

October 18, 2017: Actor Kamal Haasan-i, pai aritepa mebilemdangi Narendra Modi-i aniba sorkari demonetization benokba pusemba atema nüburtem dang pai tatok meshir, ta ashi.
Paisa, “Ato kilonseria tatok meshira ni pa tushitsü,” ta ashi.
Tamil magazine Vikatan nung adokba ocet nung Haasan-i, “Ni kanga aritepa demonetisation pusemba atema ni nüburtem dang tatok meshir. Tamasabo ni demonetisation ya ajanga ochimashi sen nokdangtsü ta bilema nüburtemi iba mapang nung timtem ajuruba aremzüka atatsüla ta jembia liasü,” ta ashi.
Yaküm November 8 nü Centre sorkari sen 500 aser 1000 notes anentsüba mapang nung Haasan densema celebrities aikati sorkar pusema liasü.
Tawa Haasan-i pai yimtenren nung adentsü sentong lir aser pa indang yimtenren party ka tentettsü, ta sangdonga liasü
Tamalen Haasan-i twitter ajanga, “Modi nem tenüngsang agütsür. Iba telemtetba atema yimtenren party ajungai pelatsüla. Talisa saru agütsürtemi pelatsüla,” ta shia liasü.
Tanü adokba ocet nung Haasan-i, “Ato kilonseria pai aibelenba atema tatok meshira ni pa nem tenüngsang agütsütsü. Gandhi (Mahatma)-i inyakba ama pei aibelen nangzüktsüji akhümket,” ta ashi.
Nashishi nokdangba onük nung Centre sorkar tangatetba anema Haasan-i, sorkari kechi achitsüla mesüra machitsüla, iba tetuyuba magütsütsüla, saka linük nüburtem nem chiyungtsü agütsütsüla, ta ashi.