Ni film ajak nung Kajol menungrar: Shah Rukh Khan

October 25, 2015: Shah Rukh Khan aser Kajol na tesentaktep kanga junga lir aser küm pongu lir tena maneni “Dilwale” film nung shilem agitsü atema ajuruteptsü lia Shah Rukh Khan-i, pai film shia nung Kajol menungrar, kechiyong film screen nung laji khenyongi balaka, ta ashi.
Shah Rukh aser Kajol nati “Dilwale Dulhania Le Jayenge” film nung külemi shilem agir küm 20 jungogo aser arishi küm 49 Khan-i, Rohit Shetty-i direct asüba action-comedy film nung külemi shilem agitsü tena ajurutepbaji tia ajanga ajurutepdaktsüba lir, ta ashi.
“Ni film shia nung Kajol menungrar. Iba film atema lai onok nem anogo 150 agütsür. Lai lar chirtem toktsütsüsa akumtsü, aser ibaji tsürabur kati tuluka tenlaba lir ta ni meteta lir,” ta ashi.
“Onok ya koda mesüi aliba takümtem aser film aika nung shilem aginüba den sen aika aazüknertem lir, saka Kajol bo anisüngzüktetba takum ka lir. Lai item atema mebilemer. Iba film atema lai mapang agütsütetba asoshi pelar,” ta Khan-i ashi.
SRK aser Kajol nati “Baazigar”, “Karan-Arjun”, “Dilwale Dulhania Le Jayenge”, “Kuch Kuch Hota Hai”, “Kabhie Khushi Kabhi Gham” aser “My Name is Khan” film nunger nung külemi shilem agiogo.