Ni film nung shilem agitsü maongka mangur : Mohnish Bahl

New Delhi, January 15 (Agencies): Actor Mohnish Bahl, Hindi film industry nung küm 30 shi shilem agia arudar. 2014 küm nüngtuku film actor Salman Khan den shilem agiba sülen joko küm anashi film nung pa mapa manguba ajanga film nung shilem magir.
“Ni film nungi anentsü kecha bilema mali. Ni mapa mangur, aji ochi. Ni inyaknütsü sa mapa tajung mangur,” ta Mohnish-i ashi.
Küm 30 Bollywood nung shilem agia arudang nüngtuku film, Maine Pyar Kiya, Baaghi, Raja Hindustani, Kaho Naa… Pyaar Hai, Astitva, Force aser Jai Ho nunger tem nung shilem agi .
Mohnish küm 55 tain lir aser küm nung tain akümba ajanga mapa mangur asü ta asüngdangdang pai ashiba agi, iba ya tain akümba dak kecha sendaka mali ama bilemer, saka actor ajak asoshi mapang tamajung aaser tajung ajurur.
Paisa ashiba agi tanü asüng film kanga ajema yanglur, aser iba ajanga ajak asoshi mapa bulua mali.
Mohnish ya dang Hoshiyaar…Sahi Waqt, Sahi &TV show host lir, aser azünga lia iba amala mapa anguba atema pelar ta paisa ashi.