Ni jangra atemtsü asoshi ken atener:Salman Khan

Gurgaon, September 6, 2015: Party ken “Hangover” aser nüknürar ken “Main tera hero” na nung Salman Khan-i pa sapurtem tsüngsangdaktsüba sülen pai, ni jangra atemtsü asoshi ken atener, ta ashi.
“Ni ken atenba ajanga takümbo mekümzüktettsü saka ni jangra atemtsü asoshi atener dang. Nenoki tang item kenji khen tenang ta asüyonga ni metentettsü, ajisüaka ken menüngokba tesem nung ken mejemertemi atenba mapang parnok jilo reprangabo tentettsü,” ta Honibar nü Gurgaon nung Salman Khan-i ashi.
“Ken nung line ka tendang ang ta ashi yonga kari mezüng tena mesayura ni metentettsü, ni ken atenba yimyaji yamaji lir,” ta pai shisem.
Arishi küm 49 tain, Salman ya pai shilem agiba “Hero” film ajungkettsü asoshi külemi shilem agir Sooraj Pancholi aser Athiya Shetty nunger den Gurgaon-i aoba mapang osangbenertem den item o lemsatepa liasü.