Ni kanga kara taneptsü ngudar: Shahid Kapoor

Aenjeti/January 12, 2020 (Agencies): Actor Shahid Kapoor, shiba “Jersey” atema shilem ka tangokba mapang cricket asayadang yirua liasü pai ashiba agi, iba film yagi pa azü tera agiogo, saka pa kanga kara taneptsü ngudar.
“Nenoki aria bilemtsüba atema kanga pelar. Auh ni zübu ishiben arrüogo saka kanga kara taneptsü ngudar. #jersey-i küm indang azü tera agiogo aser iba amala film ka asoshi azü tera tenlatsü langa lir,” ta Shahid-i Deobarnü tweet asü.
“Jersey” ya Telugu oshi nung nüngtugu film ka Hindi agi yanglushiba lir. Hindi film ya Gowtam Tinnanuri-i direct asütsü shibai mezüngbuba movie-a direct süa liasü.
Iba film nung tamakok ngur aliba cricket asayar ka tenüng agi Arjun indang otsü ashitsü, shibai par jabaso timla ataloktsütsü asoshi arrshi küm semer tatemlen maneni India asoshi asayatsü atema asendenshir asayar.
Hindi version nunga Mrunal Thakur-i shilem agitsü aser Allu Aravind-i present asütsü. Iba film ya Aman Gill aser Dil Raju nati produce asütsü.
Shahid, tatemsa 2019 küm “Kabir Singh” indang film nung shilem agiba nguogo. Iba film yaa Telugu blockbuster “Arjun Reddy” Hindi agi yanglushiba ka asütsü.