Ni kangshia meintok, India-i arutsü tebilemba mali: Mallya

New Delhi, April 29 (Agencies): Yi shishilembar tetsüti, Vijay Mallya-i, pai bank tem dang sentsüh aotsü ajisüaka, pa apuba mesüra pa indang passport meyipa agiba ajanga parnoki sen mangutsü, ta ashi.
Financial Times den jembidang Mallya-i, “Ni India-i meyipa aruner. Kü indang passport meyipa agiogo. Iba sülen sorkari ano kechi inyaktsü’ar ni memetet,” ta ashi.
Mayfair, Central London nung interview agidang Mallya-i, “Tang India nung tensa angatettsüji tongtibang. Media ajanga shilem tulu agiba den külemi nüburtem tangatetba melenshitsür, ajisüaka sorkar kanga ajungmesor,” ta ashi.
Pa anema nokdangertemji ketdangsertem asü Ato kilonser, Narendra Modi ta asüngdangba langzüdang pai, “Ni ashitsü ajak agi- kü meyong passport agienba aser iba sülen meyipa agiba meraji kanga aritepa inyak,” ta ashi.
Yashi India sorkari Britain dang, bank tem dang sentsüh crore 9,000 aliba ken o nung  Mallya India-i anir arutsü maparen nung yariteptsü atema shidi ka ajanga mepishiogo.