Ni kecha aia mali: Sanjita Chanu

Imphal, Aami (June) 2 (Agencies): Commonwealth Games (CWG) nung gold medal ngur aliba weightlifter Khumukcham Sanjita Chanu-i Rogonü la anema keno benoka aliba aitsüogo.
Chanu azü tendangba nung anabolic steroid ngutetba sülen International Weightlifting Federation (IWF) puri Yangtepnü Manipur nungi weightlifter nem ya provisional suspension ka agütsüogo.
Lai Gold Coast CWG nung 53 kg category nung gold medal angu aser küm pezü tejakdang Glasgow nung asayadanga 48 kg category nung gold medal ngutetogo.
“Ni tetendangba ya kodang agiar mejangja. Tetendangba asem tashi agiogo. Natzü ya kü natzü asü tangar kar indangar ni mejangja,” ta lai ashi.
Tetendangba tem ya la natzü aser azü nung tendang.
Lai ashiba agi, training centre dak alaka lai kima chiyongtsü kecha machi mesera soft drinks kecha majem. Laisa la indang samples nung kodaser steroids ngutetar mangateter. Lai ochiba jangjatsü asoshi sorkar aser nüburtem teyari meshir.
Anogo ishika tejakdang lai la career raksatsütsü merangba nokdangtsü asoshi CCTV camera la takdang nung inoktsütsüba aser tanga jenjang agitsü asoshi khanga liasü.
Ajisüaka ochi jangjatsü asoshi Manipur sorkari tang tashi jenjang kecha agia mali.
Sanjita-i CWG nung gold medal koker aruba mapang sorkar aser la pusemertemi la airport nung kanga pelashishia agizük, saka la Yangtepnü meyipa aruba mapang nungbo la agizüker shinga maliasü.