Ni ‘Kingsman’film nung shilem agitsü: Elton John

London May 19, 2016: Ita ka dak tema shi “Kingsman: The Golden Circle” tanabuba shilem nung shilem agitsü osang, olulu ka amai jembia arua liasü, ajisüaka Britain nunger kentener Elton John-i pa iba film nung adenba osang tejangja metetdaktsüogo.
John-i Instagram nung iba film indang poster ka lemsatepogo.
John atema film nung shilem agitsüji kanga melara masütsü, kechiyong pai film nung kodanga shilem magidang, ajisüaka Matthew Vaughn iba tanabuba shilem direct asütsü atema aruogo aser pai kentensang, John-a iba film nung mapang tatsüka atema shilem tila ka agidaktsüner.
Iba film mezüng shilem tangokba nung John-a shilem agidaktsünüa liasü, ta osang kar ajanga ashi.
“Kingsman: The Golden Circle” film ya US nung June 16, 2017 nü sayatsü sentong lir.
Iba film nung Taron Egerton aser Mark Strong nati mezüng shilem den sentaktepa shilem agitsü.
Colin Firth-ia maneni tanabuba shilem nunga shilem agitsü aser tang John den tasen aitertemji Halle Berry, Channing Tatum aser Julianne Moore nunger lir.