Ni kiyimba benjung kanga süngjema mongogo : Aniston

August 20, 2015: Justin Theroux den tan ita tetenzüklem kiyimba küli agiba sülen tang mezüng Jennifer Aniston-i nüburtem den temai adoka lemsatepba mapang lai, “Ni kiyimba anogoji kinunger kija den kanga süngjema mongtetogo,” ta osangbenertem dang ashi.

Friends serial nung shilem agila ya Theroux den benjung tila ka ayongzüka kiyimba küli agiogo. Iba kiyimba benjungji tena ki, Bel Air, California nung August 5 nü agia liasü.

Iba sülen tena France Polynesia nung aliba Bora Bora tesem nung oa südoksünema amung. Iba tesem nungi shilangba sülen Bhodbar, August 19 aonung nungi Aniston la mapa aser lai shilem agiba ‘She’s Funny That Way’ movie Los Angeles nung sayadang dena liasü.

Red carpet sentong nung Aniston-i la meyong wedding ring kanga pela sayua liasü, ajisüaka kiyimba otsübo rasaa mejembi.

“Ni nenok shinga danga ni kiyimba otsü mashitsü, küna kiyimba benjungji kinunger kija den kanga süngjema monga liasü aser iba dak alaka ni otsü rangben mashitsü,” ta lai ETonline.com dang ashi.

Theroux bo Texas nung TV show ‘The Leftovers’ tetangokdak asüba ajanga Aniston shilem agiba film sayaba sentong nung medenteti liasü.