Ni kodanga film director makümtsü: Akshay Kumar

New Delhi, September 29 (Agencies): Bollywood superstar, Akshay Kumar-i Hari Om Entertainment telok tentetba sülen film aika produce süaka pai director akümtsübo bilema maliba olen ka metetdaktsüogo.

Bollywood film industry nung küm 25 tashi shilem agiaka, pai maneni film balala nung tongti shilem agitsü jangraba olen ka arishi küm 48 tain Akshay-i metetdaktsü.

“Ni küm 25 tashi film industry nung shilem agia aruogo. Ni tarutsü mapang nunga filmtem nung tongti shilem agia film tajung yanglutsü tebilemba lir. Ajisüaka, ni director akümtsübo mejangrar,” ta pai tesüsa tongti shilem agiba film, ‘Singh is Bling’ jenjang ajungkettsütsü sentong nung Akshay-i metetdaktsü.

Akshay-i Britain’er model-actress, Amy Jackson den külemi tongti shilem agiba ‘Singh is Bling’ film tan Hokolbar nü sayatsü sentong renema lir.