Ni kü ajak agi Nitish Kumar pusemer: Arvind Kejriwal

New Delhi, October 01 (Agencies): Brihostibar nü Delhi chief minister Arvind Kejriwal-i, Bihar Assembly election nung pai Bihar chief minister Nitish Kumar pusemer, ta metetdaktsüogo.

“Media house kar ajanga kü sangdong meyipsar. Ni kü ajak agi Nitish Kumar pusemer. Pa ya nisung tajung ka lir. Nüburtemi pa nem vote agütsütsüla,” ta AAP tongti lenir Kejriwal-i twitter ajanga ashi.

Tamalen Chief minister senden ka nung Kejriwal-i pai Bihar assembly election nung yimtenren party kecha pu masemtsü ta shia liasü.

Brihostibar nüsa Janata Dal (United)-ia, Kejriwal-i Bihar chief minister pusemer aser pa tasembenren chief minister inyakdaktsüner, ta ashi.

“Ni iba ya shiner, Kejriwal-i Nitish Kumar ji maneni Bihar chief minister inyaktsüla ta ashir,” ta JD (U) general secretary, KC Tyagi-i ashi.

Assembly menden 243 aliba Bihar nung October 12 nungi November 5 nü tashi nung election telemsa pongu nung agitsü aser November 8 nü vote azüngtsü.

Tang Bihar assembly mapangtong November 29 nü tembangtsü.