Ni kü taküm dang nungi ajentsü merang: Nicole Kidman

October 10, 2015: Actress Nicole Kidman-i 2001 küm la Tom Cruise den balar külen timtemba rakpoka lemsatepogo.
Brihostibar nü World Summit sentong nung Australia tsür actress, Nicole Kidman-i, balaba shisa bulu koktettsü asoshi film nung shilem agiba nung dang lianüa bilem, ta aceshowbiz.com dang ashi.
La Tom Cruise den balaba sülen “Moulin Rouge!” aser “The Hours ” film tem nung shilem agiba nüburtemi kanga saputepa tenüngsang agüja liasü.
“Balaba agi shilem tajungba agitet asü masüar ni memetet, ajisüaka ni kü taküm dang nungi jena aotsü merang. Kü taküm nung atalokba ni mokokteti liasü,” ta lai ashi.
“Actor ka asoshi tejenokdak tesem tajung ka lir aser ibaji nai tangar ka ama temulung agüja shilem agidang khen asoshi pei sasa pei amadoker,” ta Oscar Award agulai ashi.
“Ni kodang meyipa reprangdangdir, ni tang ashibaji, ni inyakba bilemteter. Yamaji temulung agüja inyakba ajanga tangari ni tushitsüsa shilem agiteta liasü,” ta lai shisem.
Arishi küm 48 tain, Kidman-i, “Iba sülen küm aika lir ang kü sasa kü taküm agizüktet aser iba mapang piyong ni kanga meranga inyaka liasü. Film tangokba tesemji ni asoshi tesem tajung ka aküm aser ibaji ajanga ni Oscar award angutsüsa inyaktet, aji oda süaka Oscar jagia kü züpu maneptsütet. Anungji kü sasa ni kümkümshir kü taküm asoshi taginüba aser nüngdakbatem atema inyaktsü shisatet” ta ashi.