Ni nisung tajung: Jennifer Lopez

November 06, 2015: Kentener aser actress Jennifer Lopez-i, “Ni ken video yangluba mapang tangari atet apongtsüsa mesüra maksütsüsa tangoka mali kechiba süra ni nisung tajung,” ta ashi.
Marie Claire den la meyong video ka indang jembiba mapang lai, “Ni iba video tajung südaktsünüba dak alaka tangari atettsüsa mesüra maksütsüsa metangoknü. Lanur asüba mapangbo süoshi tilala semersa tangoknüa bilem saka tang iba mapang süiogo,” ta ashi.
“Ni tangar aiür amaia lidangaogo saka tangari atettsüsa süplepa melidang,” ta laisa ashi.
“Waiting for Tonight” ken atenla shiba tang tsüngsanger Casper Smart den medemer, la tebuba tasembuba Marc Anthony den July, 2011 küm mebaladang tanur Max aser Emme sosema lir. Tena kibong kümer küm 10 sülen bala, ta femalefirst.co.uk-i ashi.
Lai ashiba agi, pa den bala dang ni temulung kanga raksa ajisüaka balaba ajanga medemertem den ano tali anasatepa kümogo.