Ni ochi temeten aginer: Akhlaq’er jabaso

Dadri, Oct. 07 (Agencies): Tawa Dadri nung nashi shi achi ta tai tonglokja loktii tepsetsang, Mohd Akhlaq’er jabaso aser Indian Air Force nung Corporal Satraj-i, par kibong nung atalokba atema tebu asoshi ochi temeten bushitsütsü melen nüburtemi yimtenren nung tajangzük angutsü atema maongka agir, ta aitsüogo.
“Onok tejashi angatettsü melen yimtenren lenirtemi parnok atema dang bilemer. Kübu asüba ya yimtenren onük ka dang kümdaktsüogo,” ta Sartaj-i ashi.
“Ozü kibong ya linük meimertem lir. Ibaji ajanga ni Air Force nung aden. Democracy linük nung tamangba yimsü ajak yimjung nung alitsüji nüngdak. Yimjung meraksatsütsü ni nüburtem dang mepishir,” ta paisa ashi.
“Parnokji (tebu tepsetertem) kechi nung sentaktepa ali’ar mesüra koba tamangba yimsü’ar ni metetner. Ni ochi temeten aginer,” ta paisa ashi.