Ni taküm nung shinga dena aonung ka atema memejangdang:Megan Fox

Los Angeles, May 10, 2016 : Megan Fox ya ajak den yipa jajar ka ama züngshir ajisüaka lai la taküm nung aonung ka kija atema tebur shinga dena mejangdanga mali, ta metetdaktsüogo.
“Jennifer’s Body” film nung tongti shilem agila, Fox-i, “Ni chichia memeimba nisung ka den ni kodasür shi nung medemtsü?” ta ashiba femalefirst.co.uk osang ajanga metetdaktsüogo.
“Ni memeimba nisung ka den ni kodanga shi nung memedemtsü. Ibaji tebilemdang bilemdang yongi shiranga aiter. Ni khen danga shinga dena konung atema mejangtsü sentong ang süng meyangludang,” ta lai ashiba The Sun osangkaket ajanga metetdaktsü.
Tan ita tatemlen arishi küm 30 ajungtsü alila, Fox ya kinungbu den pilar aliba tawa ang tanaben ajurutepogo.
Ano lai, film nung shilem agitsü ya kangabo jangra mali, ta ashi.