Ni Taylor Swift den külemi shilem magitsü: Rihanna

September 20, 2015: Tang alima nung kentener Taylor Swift kanga nüngtugu lir, ajisüaka nisung katibo kentenba sabang nung la den külemi shilem maginer, ta shiogo.
Pop kentener Rihanna-i, ‘Bad Blood’ ken atenla den sabang ka nungi külemi shilem agitsü atema la dang asüngdang nunga lai ma ta ashitsü ta ashi.
Taylor Swift indang ‘1989’ kensep World Tour mapang kenten sentong aika nung nüngtugu tetsür aikati la den sabang nung shilem agiba ajanga nübur jenti mulung kokteta kanga jangratemdaktsüogo.
Ajisüaka ‘B**** Better Have My Money’ ken atenla Rihanna-ibo sabang nung külemi shilem agitsü la jaok nunga lai magizüktsü ta ashi.
“Ni bilemer, ni ibaji magizüktsü. Ibaji tim masü ama bilemer,” ta lai ashi.
NME den interview agiba mapang arishi küm 27 Rihanna-i, “Küna indang brand kasa masü ama ni bilemer. Ibaji memedemer ama ni bilemer. Küna indang audience balala ama ni bilemer. Kü mulung nung bilemba ka, la ya role model ka lir, nibo masü,” ta ashi.
Kasa interview nungsa Rihanna-i, lai la indang studio kensep 8buba tatembangsüa renemshidar, ajisüaka iba ya la sapurtem atema tajung ka asütsü, ta ashi.
La tesüsabuba kensep ‘Unapologetic’ 2012 küm sayaba sülen küm asembuba la indang kensep tasen saya mali.