Ni temeim nung mamanger: Salman Khan

July 11, 2015: Bollywood nung nüngtugu asangur Salman Khan tesüiba mapang nung tetsür aika den medema liasü aser tawa Mumbai Mirror den jembiba mapang pai, “Ni temeim nung mamanger,” ta shiogo.
“Maine Pyar Kiya” actor Salman-i, “Ni temeim nung mamanger. Iba nungji keta-sentepba, anepalutepba aser akhümtsübutep lir saka ibaji temeimbo masü. Nisung ka majung süaka temeim agi iba nisungba jagi na puatoker. Ni asoshibo olongji ‘nüngdakba’ lir, saka nisung kari dang kati ka kasasa nüngdakteper. Kenü anogo nai nüngdakba nisungba jagi na menüngdakaka naibo arishitsü. Nai ibaji nangzüteter-a ma (?). Iba sülen nai tamalen bilemba ama mebilemtsü aser tanga nisungba jagi, “Ni kechi (tai) inyak” ta bilemtsü,” ta ashi.
“Kick” film actor Salman-i tawa kiyimba indang kanga jembia arudagi aser pai jembiba ajungaji asayamenüba dang lir ta ashi.
Arishi küm 49 Salman-i, “Ibaji asayamenüa jembiba dang lir. Tanü ni, ‘arrange marriage’ asoshi renema lir ta jembir, asüngbo ‘love marriage’ ta jembir aser tasembuba nungbo kibong makümtsü ta jembir. Kü tebilemba nung ibaji mali, ibaji ataloktsü tiaja lira, ataloktsü,” ta ashi.