Ni yimtenren sabang nung shilem agitsü akok: Will Smith

Los Angeles, November 26 (Agencies): Hollywood star, Will Smith-i tarutsü mapang yimtenren sabang nung shilem agitsü tebilemba aliba olen ka metetdaktsüogo.

Alima nem tajangzük bener arutsütsü nükjidong nung Smith-i tarutsü mapang yimtenren sabang nung tongti shilem agitsü alizüng ayuba osang jangjaogo ta The Hollywood Reporter-ia metetdaktsü.

“Ni alima nem tajangzük bener arutsütsü alizüng yua lir aser ni yimtenren sabang nung tongti shilem agiba ajanga iba alizüngji asangsang nung ajangzüktsü tamang akar,” ta arishi küm 47 tain Smith-ia metetdaktsü.

Iba tangatetba nung pai yimtenren tensa tendanga taküm aliba olen ka Smith-isa shisem.