NIA-i Bodo nung asem apu

Guwahati/Itanagar, April 8 (Agencies) : National Investigation Agency (NIA), Guwahati-i Hokolbarnü NDFB (Songbijit) telungpur asem apu.
2014 küm Kokrajhar district nung adivasi nunger tepsetba ken o nung tai tonglokja parnok apu.
Parnokiji Armish Basumatary (Arnoi), Lothen Basumatary (Borai) aser Gangaraj Wary nungertem ta jangjogo. Par asemi Kokrajhar district kübok Shantipur tesem nung tai maketba yimdaklir 12 tepset ta tai tonglokja lir.
Par asemprongla NIA ket nung anogo asemnü ayutsü temelaba agütsüogo. Par asem apuba züngsema tang tashi nung NIA-i Bodo nunger telungpur 61 pua lir.