NIA-i Hyderabad IS telok tanishisang apu

Hyderabad, July 12 (Agencies) : Mongulbarnü National Investigation Agency (NIA)-i Hyderabad IS tentet ka nung tongti züngsem ana apu.

“Hyderabad module nung tanishir Yasir Niamatullah aser senotsü bendener Athaullah Rehman na NIA-i puogo” ta Telangana Intelligence Department nungi osang kar ajanga ashi.

NIA-i June 29 nü Hyderabad nung ISIS den sendaktepa lir ta tai tonglokja nisung pungu apu. Parnoki bomb amshia amaktsü tasa atonga lir ta NIA-i aitsü aser July 1 nü parnok police ket nung anogo 12 ayutsü atema temelaba agütsü.

NIA-i Hyderabad Police teyari agia Old City area kübok tesem 10 mita aodang Mohammed Ibrahim Yazdani (Ibbu), Habeeb Mohammed (Sir), Mohammed Ilyas Yazdani, Abdullah Bin Ahmed Al Amoodi aser Muzaffar Hussain Rizwan nungertem apu.

Par pungui prangpong-injang aser tapoktsütem benden aser itemji amshia tesem kar amaktsü tasa atonga liasü, ta NIA-i ken o benok.