NIA-i NSCN (K) anema ken o benok

Guwahati, Yimpoksüi (November) 6 (Agencies): National Investigation Agency (NIA)-i Shillong nung aliba special NIA court nung NSCN (K) züngsem pungu dak tai tongloktsü.
Bharti Infra Projects Limited nung mapa inyaker ka apuba atema par pungu anema ken o ji benok.
Deputy Secretary (Revenue), NSCN(K) Gaisinglung Meiringmei tetuyuba nung ajemdaker NSCN (K) telungpurtemi mapa inyaksangji apu aser pa chioktsü atema sen crore 1 meshi. May 12, 2018 nü sen lakh 25 agütsüba sülen chiok.
Iba tatalokba bushisüngdanga arudang NSCN(K) nung tanishir aser züngsemtemi Bhartiya Infra Projects Limited nung inyaker aputsü atema tasa atong ta bushitet. Iba company yagi Manipur nung tunnels railway line atur.
Bushisüngdanga arudang sen lakh 15 tashi ngutetogo.
NIA-i tai tongloktsüba nisungtemji- Gaisinglung Meiringmei, Khamjang Rongmei, Dimchuingam Ruangmei, Ganthoulung Rongmei aser Tanthaoliu Gonmei nungertem lir.
Unlawful Activities Prevention Act, 1967 aser Indian Penal Code (IPC) kübok arrla balala kübok parnok dak tai tongloktsü.