NIA-i Pakistan kiralongrar Naved New Delhi-i anir ogo

Jammu, August 13 (Agencies): Brihostibar nü National Investigation Agency (NIA)-i Udhampur amaker kiralongrar Muhammad Naved (Usman) Jammu & Kashmir nungi New Delhi-i anir ogo.

“Senior Superintendent of Police Atul Goel lenisüba nung NIA team kati aija alisang tanü BSF helicopter ka nung New Delhi-i anir ogo,” ta police osang ka ajanga ashi.

August 10 nü Jammu nung NIA designate court kati Javed dang asüngdangyatsü atema anogo 14 NIA ket nung agüja liasü.

“NIA Director General Sharad Kumar-i Jammu semdangba mapang iba ken o reprangshimogo. Aibelensang dang asüngdangyaba session ka nungbo DG-a denogo,” ta kasa osang ajanga ashi.

Jammu, Udhampur nung August 05 nü Narsoo Nallah nung aliba Jammu-Srinagar highway nung kiralongrartemi BSF sepaitem amakba mapang BSF sepai ana aser kiralongrar ka asü aser yimtaklirtemi Javed pua liasü.