NIA-iManipur nung sepaitem tepsetba buhisüngdangtsü tenzükogo

New Delhi, June 7 (Agencies): Deobarnü National Investigating Agency (NIA)-I Manipur kübok Chandel district nung Army 18 tepsetba tatalokba bushisüngdangtsü atema ken o benokogo.

NSCN (K) SSKhaplang aser pa den yariteper telungpur lennirtemi 6 Dogra regiment convoy amaktsü atema tasa atonga inyak ta NIA-i benokba ken o nung aija lir.

NIA otongdari ashiba agi, NIA Guwahati branch nung Indian Penal Code, Arms Act aser Unlawful Activities (Prevention)Act nung arla balala kübok ken o benokogo.

Iba lendong ya June 4 nü Chandel district kübokMoltung nung atalok. NSCN (Khaplang) züngsemtem ta temulung melemi bilemer telok kati ‘Lathod guns’ aser grenades amshia Army indang truck gari pezü amak. Iba mapang sepai 18 asü aser 15 yiru.

Iba inyakyim ajanga India sorkar anema rara menaba sayur. National Socialist Council of Nagaland (Khaplang) aser North East tesem nung parnok den yaritepba telungpur teloktemi yaritepa sepaitemamak ta ken o nung tai tonglokja lir, ta NIA otongdarisa metetdaktsü.

“NSCN (K) chairman Khaplang Pangmi, nunger den NSCN- Khaplang nung tongti lennirtem aser tanga telungpur teloktem longjemer iba tasa atonga inyak amai temulung malemer” ta paisa ashi.
Iba tatalokba atema mezüng Manipur nung Tengnoupal Police Station-i ken o benoka liasü.