Niathu Group Sports Festival ayonger

Kohima, Mongputeni/October 23 (TYO): October 24 nü nungi tenzüktsü aliba Niathu Group Sports Festival 2019 nung Naga wrestling asaya nung wrestler 13-i shilem agitsü jangjatsüogo. Iba asaya benjung ya Niathu Resort Dimapur nung agitsü.
Wrestling asaya ya October 25 nü Niathu Resort nung 11:00 ako nungi tenzüka asayatsü. Asayartem rongnung Vechita Khesoh, Venuzo Dawhuo, Seketoukho Nipu, Keduovilie Zumu, Kezhavizo Thevo, Vizobeilie Punyu, Mudotu Veswuh, Serayi, Bedusu Kezo, Velhuto Keyho, Kekhrie Yhoshu, Vekutho Soho aser Kekhriezo Nagi nunger asayatsü jangjaogo.
Registration agitsü atema October 25 nü 10:00 ako tashi lapoktsütsü.
Asayatem league cum knock out system nung asayatsü aser Nagaland Wrestling Association (NWA)-i asaya ajaka achaayangtsü. NWA general secretary Vekhozo-i wrestling asaya reprangtsü jangrara ajak dang iba asayamung nung arua shilem agitsü jaokogo. Asaya reprangtsü atema nüburtem angati agi idaktsütsü.