NIC-i Nagaland nung RTI küm 10 ajungba nüngtem nung sentong agitsü

Dimapur, March 1 (TYO) : Nagaland nung RTI mapa tenzüker küm 10 ajungba nüngtem nung March 5, 2016 nü Nagaland Information Commission-i sentong ka ayongzüka agitsü.
Iba sentongji anepdang 10:30 ako nung Capital Convention Centre, Kohima nung agitsü.
Anogo piyong agiba sentong nung anepdang inaugural session aser anüngdang plenary session ta lemsar agitsü, ta tanü sangdong ka nung metetdaktsü.
Sentong nung Nagaland Chief Minister, T.R Zeliang-i anniversary souvenir sayatsüba den tayongzükba o jembitsü, Chief Information Commissioner, Bukchem Phom-i tesentepertem pela agizüktsü aser Nagaland Chief Secretary, Pankaj Kumar, IAS-i anküp tepela o jembitsü.